உடனடியாக ஒரு வானவியல் செயல்பாடு

அனைவருக்கும் வணக்கம்.

கடந்த 2009ம் ஆண்டின் சர்வதேச வானவியல் ஆண்டு நிறைவுபெற்றாலும் அதையொட்டிய சில செயல்பாடுகள் இன்னும் உலகம் முழுவதும் தொடர்ந்து செயல்படுத்துப்பட்டு வருகின்றன. அவற்றில் ஒன்று Globe at Night.  
நீங்கள் செய்யவேண்டியது இதுதான்.
இரவு 7.30 மணிக்குமேல் வேட்டைக்காரன் (Orion) விண்மீன் தொகுதி வானில் நம் தலைக்கு மேலாக வந்துவிடும். அப்போது அந்த விண்மீன் தொகுதியில் பிரகாசமான நட்சத்திரங்கள்  நம் வெறும் கண்களுக்கு ஏற்படுத்தும் தோற்றத்தினை இந்த மடலுடன் இணைக்கப்பட்டுள்ள 7 படங்களில்  எத்தப் படத்துடன் ஒத்துள்ளது எனச் சொல்லவேண்டும். அவ்வளவுதான்.

உதாரணமாக இன்று கல்பாக்கத்தில் இரவு 8 மணிக்கு வானம் மேகம் இல்லாது இருந்தபோது Chart4-ஐ ஒத்திருந்தது.

மிக எளிய செயல்பாடு. எந்த வயதினரும் எந்த அனுபவம் இல்லாதரும் பங்கு கொள்ளக்கூடிய எளிய வானவியல் செயல்பாடு.  வேட்டைக்காரன் விண்மீன் தொகுதி அறிமுகம் இல்லாதவர்கள் துளிர் புத்தகத்தில் வரும் இரவு வான் பகுதியை உபயோகித்துக்கொள்ளலாம்.

தங்கள் மாவட்டத்தின் அனைத்துப்பகுதியிலும் இச்செயல்பாட்டை அங்குள்ள நண்பர்களோ அல்லது துளிர் இல்லக் குழந்தைகளோ செய்யலாம்.

பார்த்தவர்கள் தங்கள் report -ஐ கீழ்கண்ட படிவத்தில் எனக்கு அனுப்பிவைக்கவும். 

1. தேதி
2. பார்த்த நேரம்:
3. கிராமம்/பஞ்சாயத்து/தாலுகா/மாவட்டம்
4. தங்கள் பார்வையுடன் ஒத்துபோகும் Chart Number
5. வானம் எவ்வாறு இருந்தது  (i ) தெளிவாக  (ii) ¼ பகுதி மேகமாக (iii ) ½ பகுதி மேகமாக (iv) >
½பகுதி மேகமாக

இவற்றை தொகுத்து TNSF இயக்கத்தின் செயல்பாடாக நான் அனுப்பிவிடுகிறேன்.

குறிப்பு : செயல்பாடு செய்ய வேண்டிய தேதி மார்ச் 3 - 12

விவரம் தேவையெனில் என் மொபைல் எண்: 9444731336.

மேலும் Globe at Night பற்றி தெரிந்துகொள்ள http://www.globeatnight.org/

அன்புடன்
சே. பார்த்தசாரதி