Saturday, August 11, 2012 10:33 AM IST
Dharmapuri
உலக புகைப்பட தினம்: மாணவ, மாணவிகளுக்கு போட்டி
First Published : 08 Aug 2012 01:39:38 PM IST
சேலம், ஆக. 7: உலக புகைப்பட தினத்தையொட்டி (ஆக.19) தமிழ்நாடு அறிவியல் இயக்கம் சார்பில் பள்ளி, கல்லூரி மாணவர்கள், பொதுமக்களுக்கு புகைப்படப் போட்டிகள் நடத்தப்படுகின்றன.
இதுகுறித்து சேலம் மாவட்ட அறிவியல் இயக்கம் வெளியிட்ட செய்திக் குறிப்பு:
உலக புகைப்பட தினம் ஆகஸ்ட் 19-ம் தேதி கொண்டாடப்பட உள்ளது. இதையொட்டி தமிழ்நாடு அறிவியல் இயக்கம் சார்பில் புகைப்படங்களின் சிறப்புகள், முக்கியத்துவம் குறித்து விழிப்புணர்வு ஏற்படுத்துவதற்காக புகைப்படப் போட்டிகள் நடத்தப்படுகின்றன.
அதன்படி, பள்ளி மாணவ-மாணவிகளுக்கு இயற்கைக் காட்சி என்ற தலைப்பிலும், கல்லூரி மாணவ-மாணவிகளுக்கு சமூகப் பிரச்னை என்ற தலைப்பிலும், பொதுமக்களுக்கு சுற்றுச்சூழல் பாதிப்பு என்ற தலைப்பிலும் புகைப்படப் போட்டி நடத்தப்பட உள்ளது.
போட்டிக்கு அனுப்பப்படும் புகைப்படங்கள் அண்மையில் எடுக்கப்பட்டதாகவும், எடுக்கப்பட்ட நாள், நேரம், இடம், சொந்தப் படைப்பு என்பதற்கான எழுத்துப்பூர்வ உறுதிமொழி, போட்டியாளரின் சுய விவரக் குறிப்புகள் இணைக்கப்பட்டதாக இருக்க வேண்டும்.
புகைப்படம் எடுக்க பயன்படுத்தப்பட்ட புகைப்படக் கருவியின் பெயர், சிறப்புகள், மாணவர் என்பதற்காக பள்ளி, கல்லூரி முதல்வரின் கடிதம் ஆகியவற்றையும் இணைத்து அனுப்ப வேண்டும்.
போட்டிக்கான புகைப்படங்கள் அனைத்தும், ஆர்.ஜெயக்குமார், மாவட்ட ஒருங்கிணைப்பாளர், புகைப்படத் தினப் போட்டிகள், கன்னந்தேரி, சங்ககிரி 637 102 என்ற முகவரிக்கு ஆகஸ்ட் 15-ம் தேதிக்குள் அனுப்ப வேண்டும்.
வெற்றி பெறுபவர்களுக்கு பெரியார் பல்கலைக்கழகத்தில் ஆகஸ்ட் 19-ம் தேதி நடைபெறும் விழாவில் பரிசுகள் வழங்கப்படும்.
மேலும், தேர்வு செய்யப்படும் புகைப்படங்கள் மல்லசமுத்திரம் மஹேந்திரா பொறியியல் கல்லூரியில் அக்டோபர் 6, 7-ம் தேதிகளில் நடைபெறும் மாநில இளைஞர் அறிவியல் திரு விழா, அறிவியல் இயக்க நிகழ்ச்சிகளில் பொதுமக்கள் பார்வைக்கு வைக்கப்படும்.
புகைப்படப் போட்டிகள் குறித்த மேலும் விவரங்களுக்கு 99651 61995 என்ற எண்ணுக்குத் தொடர்பு கொள்ளலாம் என்று அறிவியல் இயக்க செய்திக் குறிப்பு தெரிவிக்கிறது.
இதுகுறித்து சேலம் மாவட்ட அறிவியல் இயக்கம் வெளியிட்ட செய்திக் குறிப்பு:
உலக புகைப்பட தினம் ஆகஸ்ட் 19-ம் தேதி கொண்டாடப்பட உள்ளது. இதையொட்டி தமிழ்நாடு அறிவியல் இயக்கம் சார்பில் புகைப்படங்களின் சிறப்புகள், முக்கியத்துவம் குறித்து விழிப்புணர்வு ஏற்படுத்துவதற்காக புகைப்படப் போட்டிகள் நடத்தப்படுகின்றன.
அதன்படி, பள்ளி மாணவ-மாணவிகளுக்கு இயற்கைக் காட்சி என்ற தலைப்பிலும், கல்லூரி மாணவ-மாணவிகளுக்கு சமூகப் பிரச்னை என்ற தலைப்பிலும், பொதுமக்களுக்கு சுற்றுச்சூழல் பாதிப்பு என்ற தலைப்பிலும் புகைப்படப் போட்டி நடத்தப்பட உள்ளது.
போட்டிக்கு அனுப்பப்படும் புகைப்படங்கள் அண்மையில் எடுக்கப்பட்டதாகவும், எடுக்கப்பட்ட நாள், நேரம், இடம், சொந்தப் படைப்பு என்பதற்கான எழுத்துப்பூர்வ உறுதிமொழி, போட்டியாளரின் சுய விவரக் குறிப்புகள் இணைக்கப்பட்டதாக இருக்க வேண்டும்.
புகைப்படம் எடுக்க பயன்படுத்தப்பட்ட புகைப்படக் கருவியின் பெயர், சிறப்புகள், மாணவர் என்பதற்காக பள்ளி, கல்லூரி முதல்வரின் கடிதம் ஆகியவற்றையும் இணைத்து அனுப்ப வேண்டும்.
போட்டிக்கான புகைப்படங்கள் அனைத்தும், ஆர்.ஜெயக்குமார், மாவட்ட ஒருங்கிணைப்பாளர், புகைப்படத் தினப் போட்டிகள், கன்னந்தேரி, சங்ககிரி 637 102 என்ற முகவரிக்கு ஆகஸ்ட் 15-ம் தேதிக்குள் அனுப்ப வேண்டும்.
வெற்றி பெறுபவர்களுக்கு பெரியார் பல்கலைக்கழகத்தில் ஆகஸ்ட் 19-ம் தேதி நடைபெறும் விழாவில் பரிசுகள் வழங்கப்படும்.
மேலும், தேர்வு செய்யப்படும் புகைப்படங்கள் மல்லசமுத்திரம் மஹேந்திரா பொறியியல் கல்லூரியில் அக்டோபர் 6, 7-ம் தேதிகளில் நடைபெறும் மாநில இளைஞர் அறிவியல் திரு விழா, அறிவியல் இயக்க நிகழ்ச்சிகளில் பொதுமக்கள் பார்வைக்கு வைக்கப்படும்.
புகைப்படப் போட்டிகள் குறித்த மேலும் விவரங்களுக்கு 99651 61995 என்ற எண்ணுக்குத் தொடர்பு கொள்ளலாம் என்று அறிவியல் இயக்க செய்திக் குறிப்பு தெரிவிக்கிறது.
http://dinamani.com/edition/Story.aspx?SectionName=Edition-Dharmapuri&artid=641348&SectionID=225&MainSectionID=225&SEO=&Title
கருத்துகள் இல்லை:
கருத்துரையிடுக