அறிவியல் எழுத்தாளர் ஏற்காடு இளங்கோ, அவர்களுக்கு "அறிவியல் மாமணி" விருது

"துளிர்" அறிவியல் மாத இதழ் ஆசிரியர் குழு உறுப்பினரும், தமிழ்நாடு அறிவியல் இயக்க மாநில பொதுகுழு உறுப்பினருமான திருமிகு. ஏற்காடு இளங்கோ, அவர்களுக்கு "அறிவியல் மாமணி" எனும் அருவினை விருதினை அவரது அறிவியல் நூலாக்கப்பணிகளை பாராட்டி, சேலம் கே.ஆர்.ஜீ. நாகப்பன் - இராஜம்மாள் அறக்கட்டளயின் சார்பாக ( 05/09/2010) ஞாயிறு அன்று நடைபெற்ற இலக்கிய விழா 2010 இல் வழங்கப்பட்டது,

2000 ஆம் ஆண்டு தொடாங்கி 2010 வரையில் 44 நூல்களை எழுதியுள்ளார், இவற்றில் 25 அறிவியல் நூல்களும் , 13 அறிவியல் அறிஞர்கள் வாழ்க்கை வரலாறு, கல்வியாளர்கள், நோபல் பரிசு பெற்ற பெண்கள் , சர்வதேச தினங்கள் குறித்தவை 4 , ஒரு குறு நாவலும் படைத்துள்ளார், பி.எட் படிப்பவர்களுக்கு உதவும் வகையில் சுற்று சூழல் ஒரு பார்வை நூலும் எழுதியுள்ளார்,

ஏற்காடு இளங்கோ அவர்கள் ஏற்புரையின் போது அறிவியல் தொழில்நுட்ப வளர்ச்சி இருந்தாலும் அறிவியல் விழிப்புணர்வு என்பது தேவையான அளவில் இல்லை என்பதை மனதில் கொண்டு , குறிப்பாக தொலைகாட்சியில் fair & lovely, coca cola போன்ற பல விளம்பரங்களில் பார்த்து விட்டு அதை பயன்படுத்தும் தன்மை அதிகமாக உள்ளது , ஆனால் அதன் உண்மை தன்மைகளை பற்றியோ, அறிவியல் பின்னனியையோ பார்ப்பதில்லை, எனவேதான் அறிவியல் விழிப்புணர்வு சார்ந்த புத்தகங்களை எழுத துவங்கியதாக குறிபிட்டார்,

மேலும் மனைவி திருமிகு தில்லைக்கரசி (தமிழ்நாடு அறிவியல் இயக்க மந்திரமா தந்திரமா நிகழ்ச்சி கருத்தாளர்) அவர்களும், தனது மகன்களும், பல்வேறுவகைகளில் ( தலைப்புகளுக்கேற்ற படங்களை தேர்வுசெய்தல் போன்று ) உதவுவதால் இந்த பணியை சிறப்பாக செய்யமுடிவதாகவும், இதுபோன்ற விருதுகளும் பாராட்டுகளும் படைப்பாளிகளை மேலும் பல புத்தகங்களை எழுத உற்சாகத்தை கொடுக்கும் என்றும் கூறினார்.

விழாவில்

ஞா.ஜோசப் அதிரியன் ஆண்டோ அவர்களின் பன்முக தொண்டை பாராட்டி "அறிவியல் அண்ணல்" விருதும்,

வீ.மலர் மன்னன் அவர்களின் இலக்கிய தொண்டை போற்றி "மனிதநேய மாமணி" விருதும்

ம.பலராமன் அவர்களின் பல்வேறு தொண்டை போற்றி "பன்முக செம்மல்" விருதும்,

ஓவியபாவலர். அமுதபாரதி அவர்களின் படைப்பிற்கு இலக்கிய பரிசு ரூபாய் 5000 மும்,

முனைவர்.தீ.உமாதேவி அவர்களின் ஆய்வு நூலுக்கு இலக்கிய பரிசு ரூபாய் 5000 வழங்கி பாராட்டப்பட்டது.

நிகழ்ச்சியில் அறக்கட்டளை உறுப்பினர்கள், தமிழ்நாடு முற்போக்கு எழுத்தாளர்கள் மற்றும் கலைஞர்கள் சங்கம், மற்றும் தமிழ்நாடு அறிவியல் இயக்க உறுப்பினர்கள் என பலரும் கலந்துகொண்டனர்