தமிழ்நாடு அறிவியல் இயக்கம் சேலம், உருக்காலை (மோகன் நகர்) கிளை சர்.ஐசக்.நியூட்டன் துளிர்இல்ல அறிவியல் சுற்றுலா (வேலூர் மாவட்டம் ) ஏலகிரி மற்றும் காவலூர் (ஆசியாவின் மிகப்பெரிய தொலைநோக்கி அமைவிடம் ) ஆகிய பகுதிகளுக்கு திட்டமிடப்பட்டு 50 பேர் கொண்ட குழு இரண்டு வேனில் 04/04/2009 அன்று திட்டமிட்டபடி சென்றுவந்தனர். இதில் துளிர் இல்ல குழந்தைகள், பெற்றோர்கள் மற்றும் அறிவியல் இயக்க ஆர்வலர்கள் கலந்துகொண்டனர், சுற்றுலாவின் சிறப்பாக வண்டியில் இருத்த தொலைக்காட்சி வாயிலாக சிறப்பு அறிவியல் குறும்படங்கள் மற்றும் சந்திரயான் சிறப்பு குறும்படங்கள் விளக்கங்களுடன் காண்பிக்கப்பட்டது, மேலும் சேது அவர்களின் மந்திரமா தந்திரமா அறிவியல் விளக்க நிகழ்ச்சிகள் ஏலகிரியில் அனைவரையும் சிந்திக்கும் வகையில் அமைந்தது , ஆலங்காயம் ஒன்றிய தமிழ்நாடு அறிவியல் இயக்க செயலாளர் திரு. முருகன் அவர்கள் அனைவரையும் வழிநடத்தினார். இறுதியாக காவலூரில் உள்ள ஆசியாவின் மிக பெரிய தொலைநோக்கியை பார்வையிட்ட அனைவரும் ஆச்சரியத்தில் உறைந்தனர் அங்கு வானியல் பற்றியும் வானியல் படிப்புகள் பற்றியும் நிறைய விளக்கங்களை அறிவியல் இயக்க உறுப்பினர்களும் , துளிர் இல்ல குழந்தைகளும் கேட்டறிந்தனர் மொத்தத்தில் இந்த அறிவியல் சுற்றுலா அனைவருக்கும் மிகவும் பயனுள்ளதாகவும் மகிழ்ச்சியளிப்பதாகவும் அமைந்தது .
கருத்துகள் இல்லை:
கருத்துரையிடுக