இலவச கட்டாயக் கல்வி உரிமைச் சட்டம் 2009 - விழிப்புணர்வுப் பிரச்சாரம்

மாநில செயலாளர், வேண்டுகோள்

அன்பிற்குரிய அறிவியல் இயக்க நண்பர்களுக்கும்.மாநில நிர்வாகிகளுக்கும்,மாநில செயற்குழு உறுப்பினர்களுக்கும் ,பொதுகுழு உறுப்பினர்களுக்கும்,அறிவியல் இயக்க ஆர்வலர்களுக்கும் வணக்கம்.
அனைவருக்கும் கல்வி இயக்கமும் ,தமிழ்நாடு அறிவியல் இயக்கமும் இணைந்து இலவச கல்வி உரிமை சட்டம் -2009 குறித்து தமிழ்நாடு முழுவதும் பிரச்சாரத்தை நடத்தி வருவது தாங்கள் அறிந்ததே .
கல்வி மக்களின் அடிப்படை உரிமை என்பதை தமிழகம் முழுவதும் உரத்து சொல்வோம்.
அறிவொளியில் துவங்கிய கல்விபயணம் மீண்டும் எழுச்சியோடு துவங்கியிருக்கிறது.
அனைவரும் பங்கேற்போம்.பயணத்தை வெற்றி பெற செய்வோம்.
இலவச ஆரம்பக் கட்டாயக் கல்வி உரிமைச் சட்டம்
குறிப்பாக மாநிலம் முழுவதும் ௧௨௨ கலைக்குழுக்கள் ஜனவரி 23 ம் தேதி கலைப்பயணம் துவங்கியிருக்கிறது.
30 மாவட்டங்களில் 122 கலைக்குழுக்கள் 20 நாட்களில் 9760 நிகழ்சிகளை நடத்த உள்ளது.
20 லட்சம் மக்களை சந்திக்க உள்ளனர்.அரசோடு நாம் இனைந்து நடத்தும் மிகப்பெரிய நிகழ்ச்சி .
இந்நிகழ்ச்சியின் முலம் நாம் செய்ய வேண்டியது.
1.மக்களிடம் கல்வி உரிமை சட்டம் குறித்து தெளிவாக எடுத்து செல்வோம்.
2.கிராம கல்வி குழுவை வலுப்படுத்துவோம்.
3.குழந்தைகள் உரிமைகளை பாதுகாத்திடுவோம்.
அறிவியல் இயக்கத்திற்காக நாம் செய்ய வேண்டியது.
1.ஒரு கலைக்குழு ஒருநாளைக்கு குறைந்த்தபட்சம் 20 உறுப்பினர் பதிவு சேர்க்க வேண்டும்.20 நாட்களுக்கு 400 உறுப்பினர்களை சேர்க்க திட்டமிட வேண்டும்.
2.ஒரு கலைக்குழு ஒருநாளைக்கு குறைந்த்தபட்சம் 250 ருபாய் புத்தகங்களை விற்பனை செய்ய முயற்சி எடுக்க வேண்டும்.
3.துளிர்,ஜந்த்தர்மந்த்தர் ,விழுது,அறிவுத்தேன்றல் சந்தா சேகரிக்க முயற்சி எடுக்க வேண்டும்.
4.அறிவியல் இயக்கம் குறித்து அறிமுகம் செய்ய வேண்டும்.
5.புதிய நபர்களை அடையாளங் காண்போம்.
6.கிராம கல்வித்திரிவிலவை சிறப்பாக நடத்துவோம்.
7.மாவட்டங்களில் செய்த பணிகளை ஆவணப்படுத்துவோம்.
8.மாவட்டக்குழு பொறுப்பாளர்கள் அனைவரும் நிகழ்சிகளில் பங்கேற்க செய்வோம்.
நம்மால் முடியும்.
சிரமங்களைத்தாண்டி நமது பயணம் தொடர்கிறது.
நாம் வெல்வோம்.
அன்புடன்
எஸ்.டி.பாலகிருஷ்ணன்
மாநிலப் பொதுசெயலாளர்
தமிழ்நாடு அறிவியல் இயக்கம்

இலவச ஆரம்பக் கட்டாயக் கல்வி உரிமைச் சட்டம்

அனைவருக்கும் கல்வி இயக்கமும் தமிழ்நாடு அறிவியல் இயக்கமும் இணைந்து தமிழகம் முழுவதும் இலவச கட்டாயக் கல்வி உரிமைச் சட்டம் 2009 - விழிப்புணர்வுப் பிரச்சாரம் பயிற்சி முகாம்கள் மற்றும் கலைக்குழுக்கள் மூலம் நடத்த உள்ளது தாங்கள் அறிந்ததே, அதன் ஒரு பகுதியாக மாநில அளவில் 31.11.2010 அன்று நடைபெற்ற கூட்டத்தில் சேலம் மாவட்ட ஒருங்கிணைப்பாளர் திருமிகு.கற்பகம் கலந்துகொண்டார், தொடர் நிகழ்வாக சேலம் மாவட்டத்தில் அனைவருக்கும் கல்வி இயக்க அலுவலகத்தை 07/12/2010 அன்று நிகழ்வின் மாவட்ட ஒருங்கிணைப்பாளர் திருமிகு.கற்பகம், மாநில செயற்குழு உறுப்பினர் திருமிகு.சஹஸ்ரநாமம், மாவட்ட பொருளாளர் திருமிகு.ராமமூர்த்தி மற்றும் மாவட்ட இணை செயலாளர் திருமிகு.சுரேஷ் ஆகியோர் அணுகி விவாதிக்கப்பட்டது அடுத்த கட்டமாக மாவட்ட அளவில் திட்டமிடல் கூட்டம் சேலம் தேர்வீதி நகரவை நடுநிலை பள்ளியில் (டிசம்பர்,21) நடைபெற்றது. கூட்டத்தில் எஸ்.எஸ்.எ. முதன்மைக்கல்வி அலுவலர்,BRC மேற்பார்வையாளர்கள்,DIET விரிவுரையாளர்,VEC ஒருங்கிணைப்பாளர்கள்,ஆசிரியப் பயிற்றுநர்கள் மற்றும் அறிவியல் இயக்கம் சார்பாக நிகழ்வின் மாவட்ட ஒருங்கிணைப்பாளர் திருமிகு.கற்பகம், மாநில செயற்குழு உறுப்பினர் திருமிகு.சஹஸ்ரநாமம், மாவட்ட பொருளாளர் திருமிகு.ராமமூர்த்தி மற்றும் மாவட்ட இணை செயலாளர் திருமிகு.சுரேஷ் மற்றும் கலைக்குழு ஒருங்கிணைப்பாளர் திருமிகு கண்ணன் ஆகியோர் கலந்து கொண்டனர்.பயிற்சி முகாம் தேதிகள், இருதரப்பு ஒத்துழைப்பு, கலைப்பயணம் குறித்து திட்டமிடப்பட்டது. கருத்தாளர்களுக்கான பயிற்சி முகாம் டிசம்பர் 23,24 தேதிகளில் ஜெயராம் கல்லூரியில் நடைபெற்றது இன் நிகழ்வு புதிய தொடர்புகளுக்கு வாய்பளித்தது மட்டுமின்றி ரூ 12,000 அளவிலான அறிவியல் இயக்க புத்தகங்கள் விற்பனை செய்யப்பட்டது, 75 உறுப்பினர்கள் இயக்கத்தில் சேர்க்கப்பட்டுள்ளனர், மற்றும் நமது சார்பில் 10 முதன்மை கருத்தாளர்கள் மற்றும் 25 வட்டார அளவிலான கருத்தாளர்கள் கலந்துகொண்டனர்,
தமிழ்நாடு அறிவியல் இயக்கத்தில் உறுப்பினர்களான கருத்தாளர்கள் கீழ்க்கண்ட தலைப்புகளில் கருத்துரை வழங்கினர்
குழந்தைகள் இலவச கட்டாயக் கல்வி உரிமைச் சட்டம் 2009 - திருமிகு.தங்கராஜா - பதிர்க்கையாளர் - தினமணி - சேலம்,
குழந்தைகள் உரிமைகள் - திருமிகு.நிறைமதி - குறும்பட இயக்குனர், கவிங்ஞர், ஊடகவியலாளர் - த.மு.எ.க.ச - சேலம்,
இயலா குழந்தைகள் கவனிப்பு - திருமிகு. அசோகன் முத்துசாமி -எழுத்தாளர் - மாற்றுதிறனாளிகள் சங்க பொறுப்பாளர், மற்றும் செயலாளர் த.மு.எ.க.ச - சேலம்,
சுகாதாரம் - நல வாழ்வு - சத்துணவு - திருமிகு சுரேஷ் குமார், மாவட்ட இணை செயலாளர், TNSF, சேலம் உருக்காலை , & திருமிகு திருநாவுகரசு கருத்தாளர் இணையம் ஒருங்கிணைப்பாளர் மற்றும் உதவி பேராசிரியர் அரசு மருத்துவ கல்லுரி மருத்துவமனை சேலம்,
பெண்கள் உரிமை - திருமிகு சசிகலா, மாவட்ட துணை தலைவர், ஆசிரியர்.
மந்திரமா தந்திரமா - திருமிகு தில்லைகரசி - மாவட்ட கருதலர் மற்றும் செயற்குழு உறுப்பினர்
அறிவியல் விளையாட்டுகள் - திருமிகு தாமோதரன் - மாவட்ட செயற்குழு உறுப்பினர்.
அறிவியல் பாடல்கள் - திருமிகு.வசந்தி, முதன்மை கருத்தாளர், மேட்டூர் & திருமிகு சுரேஷ். மாவட்ட இணை செயலாளர்
புத்தக விற்பனை - திருமிகு.கோபால், திருமிகு.நமசிவாயம், திருமிகு.ஜானகிராமன்,திருமிகு. லால்.

இலவச ஆரம்பக் கட்டாயக் கல்வி உரிமைச் சட்டம், விழிப்புணர்வு பிரச்சாரம்.

தமிழக அரசின் பள்ளி கல்வித் துறையின் அனைவருக்கும் கல்வி இயக்கமும், தமிழ்நாடு அறிவியல் இயக்கமும் இணைந்து தமிழகம் முழுவதும் , இலவச ஆரம்பக் கட்டாயக் கல்வி உரிமைச் சட்டம் மற்றும் ஓவ்வொரு அரசு மற்றும், அரசு உதவிபெறும் பள்ளியிலும் உள்ள கிராமக் கல்விக் குழுவின் அவசியம் குறித்த விழிப்புணர்வை ஏற்படுத்துவதற்க்காக பிரச்சார இயக்கத்தை நடத்த உள்ளோம்,

இப்பிரச்சாரத்தின் மூலமாக அனைத்து மாவட்டங்களிலும் உள்ள அனைத்து கிராமக் கல்விக் குழுவின் பொறுப்பு மற்றும் அவசியத்தை ஒவ்வொரு குழுவும் அறிந்து தங்கள் பகுதி அரசு மற்றும், அரசு உதவிபெறும் பள்ளியை மேம்படுத்தவும், அதனை அனைத்து வகையான தகுதி பெற்ற பள்ளியாக மாற்றுவதற்கான முயற்சியை மேற்கொள்ளச் செய்வதுடன் தங்கள் பள்ளிகளை தங்களே முன்வந்து முனேற்ற பாதையில் எடுத்துச் செல்ல வேண்டும், அதற்க்கான அனைத்து வகையான வழிகாட்டலும் கிராமக் கல்விக் குழுவிற்கு வழங்கப்பட உள்ளது,

இதற்காக மாநிலம், மாவட்டம், வட்டார வள மையம் (BRC), பள்ளி தொகுப்பு கலந்தாய்வு மையம் (CRC) அளவிலான பயிற்சிகள் அறிவியல் இயக்க உறுப்பினர்கள், கல்வியாளர்கள், பஞ்சாயத்து தலைவர்கள், சுய உதவிக்குழுப் பெண்கள், தலைமை ஆசிரியர்கள், வட்டார வள மைய பயிற்சியாளர்கள், மருத்துவர்கள், வழக்கறிஞர்கள் மற்றும் அரசுத்துறை அலுவலர்களுக்கு வழங்கப்பட உள்ளது,

எனவே நமது சேலம் மாவட்டத்தில் உள்ள இருபது வட்டரதிற்கும் மற்றும் ஒவ்வொரு வட்டாரத்திலும் உள்ள பள்ளி தொகுப்பு கலந்தாய்வு மையம் (174) அளவில் இருந்து ஆர்வலர்கள் (அறிவியல் இயக்க உறுப்பினர்கள், மருத்துவர்கள் & வழக்கறிஞர்கள்) தேவை உள்ளது எனவே தங்கள் பகுதியில் , கிளையில் உள்ள ஆர்வமான மேற்கண்ட நபர்கள் உடனடியாக தொடர்புகொள்ளவும்.

மேலும் இவ்வியக்கத்தை வலுப்படுத்த கலைக் குழுக்களுக்கு பயிற்சி வழங்கப்பட்டு அவர்களும் கிராமம் தோறும் சென்று பிரச்சாரம் மேற்கொள்ள உள்ளனர், நமது சேலம் மாவட்டத்தில் மூன்று வட்டாரத்திற்கு ஒன்று என்ற வகையில் 7 கலைக் குழுக்கள் (7 × 12 = 84 கலைஞர்கள்) தேவை (கலைஞர்களுக்கு மதிப்புதியம் தரப்படும்) எனவே கலை ஆர்வமும், சமுக தாகமும் கொண்ட நண்பர்கள் தொடர்புகொள்ளவும்,